O pasado 22 de setembro comezou unha das estacións máis fermosas do ano. Mentres non decidimos o proxecto a desenvolver este trimestre, realizamos propostas de outono como as que seguen.
A profe Iria do equipo verde propúxonos pintar unha árbore e pareceunos moi boa idea. Cada árbore foi diferente e todas moi fermosas!
As nenas e nenos de 3 anos tamén practicaron algo co pincel. Mesturaron vermello e amarelo para conseguir laranxa. Con esta cor pintaron unha cabaciña. Fixérono estupendo!
Na aula repasamos vocabulario de outono e deixamos unhas tarxetas no recuncho das letras. Compoñen o nome e escríbeno. Por último debúxano.
Hoxe tamén saímos a buscar follas, pólas, landras e castañas polo paseo do Carboeiro. Foi moi divertido e ademais acompañounos o equipo verde.
Observamos o que recollemos no paseo e clasificámolo. Había follas moi diferentes: na cor, no tamaño e na forma. Ademais algunhas landras e castañas presentaban un pequeno buratiño...seguro que tiñan meco!
Ademais destas actividades, ao longo da xornada desenvolvemos as diferentes rutinas.
Polo de agora, seguiremos explorando coas actividades de outono.
Ningún comentario:
Publicar un comentario